close
دانلود آهنگ جدید
- پیام بلوچ - بلوچ و بلوچستان -payam baloch - - مطالب ارسال شده توسط abooahmadaskani
loading...

- پیام بلوچ - بلوچ و بلوچستان -payam baloch -

هیچ ورزشی برای قلب ، بهتر از خم شدن و گرفتن دست افتادگان نیست.

ظلمي لوار

abooahmadaskani بازدید : 296 2 / 4 / 1392 نظرات ()

پــدءَ ظـلمے لـواراں سـركـنان‌أنـت            

                            گل‌أنت دژمن، مسلماں ماں گمان‌أنت

زمـیں رنـگ‌زرتـگ إچ زۏراں‌سـریّءَ

                            گـْوشے نـام عـدلءُ انـصافے نـزان‌أنت

بـچــارافـغانءُ بـوسـنی، ســوریــاءَ

                            درسـتـاں ظـلمءِ آسءِ تـه سـچـان‌أنت

بچـارقدسءَ گـۏں پاكستـانءُ بغداد

                           كـه إے پهكاں په دستءِ ناشران‌أنت

او زۏراكـــاں شمـارا شـرجواب‌إنت

                            مـئی ورنا چه هـرجـا جـه‌جـنـان‌أنت

ندیتگ هچ برءَ دوراں چشٻں ظلـم

                          نـهـن انســاں ورۏكـٻں رسـتـران‌‌‌أنـت

هلاهۏش‌إنت مسلماں براتءِهۏنءَ

                         بـچـار سـیادی‌ءِ تـامءَ چـۏش بران‌أنت

حكومـت پش‌كپت‌إنت كفرءِ گۏنءَ 

                         بـلے بـادگیراں ظـلمے هـچ نـمان‌أنت

قیـامـت ظـلـمءَ كـاریـتن تـهـــاری 

                         مـاں آرۏ ظــالــماں بـژبـش وران أنت

وتءَ سـمـبال چه زلمانے سـحرگال  

                         كــه هـاونـدے درءَ یـكـسر روان‌أنـت

مورغم گـراں مـكن هچبـر وتی دل

                         كـه إے زۏراں‌سـری یـكـٻں دمان‌أنت

لچه‌كار: محمدآسكانی

 

مكراني زر، نه عماني زر{درياي مكران ، نه درياي عمان}

abooahmadaskani بازدید : 328 2 / 4 / 1392 نظرات ()

 

إٻرانی راج‌مسترءُ كماش، گلزمیں بلۏچستان‌إش وتیكی كتگ؛ بلے ما هچ نشانے چه إٻرانءُ إٻرانی بوگءَ إداں نگندإنت. دنیائی لحاظءَ إٻراں چه جهانءَ سد سال پشتءَإنتءُ بلۏچستاں سدسال چه إٻرانءَ!

بلۏچ‌راج كمترٻں حقءِ واهند نهنت. چه شاں سرگْوز اپسۏزی گپ إشنت كه إٻرانی واكدارءُ ذمه‌واراں نمنّ‌أنت كه خلیج پارس، خلیج عرب ببیت بلے مكرانی زرءَ، عمانی زر گْوشگاینت په إشیءِ مٹٻنگءُ عوض‌كنگءَ هچ پیمٻں كۏشستے نكن‌أنت.(په وت شرعءُ په ما قاضی!) ماں جاورے كه بازٻں راج‌دپتری وانگیانی تها إے زر، مكرانی زر گْوشگ بوتگ چۏشكه:

1-‌‌ وسارأبوبكرإلى هرمزمدینة على ساحل بحرمكران ،فأطاعه صاحبها،واسمه ملتك.

الكامل فى التاریخ (7/ 62)لإبن أثیر

رجانك: ابوبكر(یكے چه خوارزمشاهءِ والیاں) دٻم په هرمزءَ _كه یك شهرے مكرانی زرءِ گْورءَ_ شتءُ آئیءِ مستر ابوبكرءِ جنڈی(پرچم)ءِ چٻرءَ آتك ءُ نامی ملتك أت.

2- ثم دخل سنة اثنتین وعشرین واربعمائة. فی هذه السنة سیّر السلطان مسعود بن محمود بن سبكتكین عسكرا إلی التیز فملكها.

و التیز : بكسرأوله بلدةعلى ساحل بحرمكران.

رجانك: پدءَ 422ءِ سال آتك كه ماں إے سالءَ سلطان مسعودبن محمود بن سبكتكین یك لشكرے په تیزءَ(بلكٻں هنوگٻں تیس إنت) رهادگ كت ءُ تیز یا تیس یك شهرے مكرانی زرءِ گْورءَ.

الكامل فى التاریخ (44/ 32)ءُ معجم البلدان للحموی (3/ 293)ءَ هں همے چیز آتكگ.

  دلگوش: مكراں بلۏچستانءِ بندری نام‌إنت.

داستان

abooahmadaskani بازدید : 890 2 / 4 / 1392 نظرات ()

 

یكے چه خراسانءِ بادشاهاں، محمودسبكتگینی واب دیت كه آئیءِ سجئٻں

جۏں رٻزإتگتءُ خاك بوتگ‌أت بیدچه چمانی كه انگت ماں كاسگءَ

سُرگ‌إتنت. هچ كسءَ شی تعبیر نزانت بس یك

پاكسمائے{صوفی‌إے}سرپدبوتءُ گْوشتی: انگت نگران إنت كه ملكی گۏں

دگران إنت.

سرچمگ: گُلباگ، گلستانءِ بلوچی رجانك، محمدآسكانی

گلباگ، گلستان سعدیءِ بلوچی رجانك

abooahmadaskani بازدید : 792 2 / 4 / 1392 نظرات ()

 

داستان

یك جنگیءَ لهتے مردم‌إش بندی كتءُ شاهءِ گْورءَ آرت. شاهءَ پرماں‌دات كه یكے

چه بندیگاں بدرنج‌أنت. آ بندیگ كه چه زندگیءَ پهك ناامٻت‌أت، هژم گپتءُ

لگِّت په شاهءِ زا دیگءَ كه گْوشتگ‌إش: هركس كه دل چه جانءَ بُرّی، هركسی

سرءَ گُرّی.ءُ هركس كه مرگءِ تامءَ چشیت، هرچے دپی كیت گشیت.

شاهءَ جست گپت: إے چے گْوشگاینت؟ یك نٻك‌دلٻں وزیرے گْوشت: واجه!

إے ماں‌گْوشگاینت: والكاظمین الغیظ والعافین عن الناس.

پادشاهءَ بزّگ‌آتكءُ چه آئیءِ هۏنءَ سرگْوست. دگه وزیرے كه گۏں آئیءَ ضدأت

درّائٻنتی: مئی پیمٻں مردمانءَ بادشاهانی دٻمءَ بید چه راستگْوشیءَ دگه هچ

گپ نكرزیت. شی واجهءَ زاداتءُ بدگْوشت. شاهءَ چه إے گپءَ برهم‌وارتءُ

گْوشتی: آ درۏگ منءَ وشتربوت چه تئی راستءَ كه آئیءِ دٻم په شركاری‌أتءُ

شی دٻم په سل‌كاری.هماپیمءَ كه زانتكاراں گْوشتگ‌: درۏگ په شركاری گهتر چه

راست په سل‌كاری.

سرچمگ: گُلباگ، گلستانءِ بلوچی رجانك، محمدآسكانی

نمیرانٻں علامه دادالرحمان قصرقندیءِ زندال{زندگی نامه}اولی بهر

abooahmadaskani بازدید : 772 2 / 4 / 1392 نظرات ()

 


پیدائش

ماں 1309هـ .شءَ، «بگان»ءِ مٻتگءَ كه چه قصرقندءَ دوكیلومتر دورترإنت، ملا یوسفءِ لۏگءَ، ننكے پٻداگ بوت كه نام إش دادالرحمان إٻركت.إے تبل كه رندءَ نامءُ تواری په مولانا دادالرحمان قصرقندی بوت چه گْونڈیءَ دانائیءُ هژاریءِ نشانگاں آئیءِ پٻشانیگءش سهراإتنت.

وانگءِ بنگٻج كنگ

مولانا دادالرحمان، بندری درسانی ماں وتی بوتنجاهءَ مولوی پیرمحمدءِ گْورءَ دربرتءُ په وانگءِ رندگیریءَ هندوستانءَ شت.

اولْ‌سرءَ «پیرجنداءِ سند»ءِ دربرجاهءَ په وانگءَ گلائٻش بوتءُ گلستان، بوستان، میزان الصرفءُ صرف میرءِ وانگیانی، مولوی شیخ محمد هیبتی قصرقندیءِ گْورءَ وانت.

إے دربرجاهءِ اقتصادی جاورباز شرنهت.واجه چه آزمانگءَ عجیبٻں كسه‌إی آرتءُ پرمائٻنتی: برے برے شدیگی هنچۏ مئی سرءَ زۏرءَ جت كه خشكٻں منتگٻں دنزگپتگٻں نگناں زرتءُ پهك كتءُ وارت إنت. برے درهچانی تاك چتءُ وارتءُ هنچۏ نزۏرءش بوت إنت كه سیه‌دٻمگ گپت إنتءُ زمینءِ سرءَ كپت إنت.

«مظهرالعلوم» كراچیءِ دربرجاه

واجه دادالرحمانءَ رند چه دوره مقدماتءِ آسركنگءَ، مظهرالعلوم كڈهءِ دربرجاهءَ شت

كه آزمانگءِ مزنترٻں دربرجاه أت. سطحءِ دوره‌ئی اۏداں دربرت.

دارالعلومءِ دیوبندءَ روگ

مظهرالعلومءِ دربرجاهءَ دوره خارجءِ درساں هست أتنت؛ بلے واجهءِ علمی هیناری اۏداں نپرشت. گڈءَ مظهرالعلومی دٻم په دارالعلوم دیوبندءَ ویل دات. إے وهدی دارالعلوم دیوبندءَ مزنْ‌شانٻں مجاهدٻں عالماں چۏشكه مزنْ‌مجاهد علامه سید حسین احمد مدنی، شیخ الادب والفقه مولانا اعزازعلی، علوم عقلیهءُ نقلیهءِ شهزانت مولانا ابراهیم بلیاوی ءُ دگه دگه، تدریسءِ پتّرإش سینگارإتگت.

واجهءَ خارجءِ درساں پانگءِ إے شهزانتاں وانتءُ آسركت.

په واجهءِ تٻزهۏشیءُ وش‌اخلاقیءِ هاترءَ استاداں گٻشتر په آئی‌إش دلگۏشءَ كتءُ آئیءَ وت هں په استاداں بازشوكی هست أت.

چه پهكاں گٻشتر گۏں مولانا حسین احمدمدنیءَ هبی هست أت. مولانا حسین احمد مدنی آزمانگءَ گۏں انگرٻز استعمارءِ دٻمءَ كه هندوستانی وتی إٻردستءَ كتگ أت اۏشتاتگ أت.

واجه دادالرحماں همے وهدءَ گۏں الكاپٻں درجه{رتبه ممتاز}ءَ دربرۏك{فارغ التحصیل} بوتءُ رند چه دربرگءَ گۏں مولانا حسین احمد مدنیءَ بیعتی كت.

تبلیغات
Rozblog.com رز بلاگ - متفاوت ترين سرويس سایت ساز
درباره ما
Profile Pic
يكي از صالحان ، به خواب ديد پادشاهي را در بهشت !! و پارسايي را در دوزخ. پرسيد كه موجب اين درجات چيست؟ ندا آمد كه اين پادشاه به ارادت درويشان به بهشت اندر است و اين پارسا به تقرب پادشاهان در دوزخ !! (سعدي)
اطلاعات کاربری
آمار سایت
  • کل مطالب : 1578
  • کل نظرات : 906
  • افراد آنلاین : 2
  • تعداد اعضا : 740
  • آی پی امروز : 78
  • آی پی دیروز : 93
  • بازدید امروز : 346
  • باردید دیروز : 1,576
  • گوگل امروز : 9
  • گوگل دیروز : 4
  • بازدید هفته : 1,922
  • بازدید ماه : 5,946
  • بازدید سال : 252,594
  • بازدید کلی : 2,284,702